Global Esports Games: Riyadh 2023 тэмцээнд Монгол Улсаа төлөөлөх багийг шалгаруулах MESA Premier/PUBGM/: GEG Edition 2023 тэмцээн амжилттай болж өндөрлөлөө.
Хоёр өдрийн турш 16 баг 10 үеийн турш тоглосон тус тэмцээнд GEUD Gaming баг 3 WWCD хийж 100 оноотойгоор тэргүүлэн тэмцээний ялагч боллоо. Тус багийн хувьд тэмцээний нээлттэй сонгон шалгаруулалтад 20 багаас хоёрдугаарт бичигдэж үндсэн тэмцээнд оролцох эрхээ авсан билээ.

Үндсэн тэмцээний тоглолтууд 9/12, 9/13-нд зохион байгуулагдаж дууслаа.

Хүснэгтийн хувьд GEUD Gaming 100 оноотойгоор тэргүүлсэн бол араас нь 2022 оны GEG: Istanbul тэмцээнд Монгол Улсаа төлөөлсөн Mabetex Esports сүүлийн хоёр тоглолтод WWCD хийснээр нийт тэмцээний хоёрдугаар байранд 5 онооны зөрүүтэй бичигдэж харин 3-р байранд Stalwart Esport баг 1 WWCD хийж 82 оноог авлаа.

Ингэснээр MESA Premier PUBGM тэмцээн маань өндөрлөж GEG: Riyadh 2023 тэмцээний Азийн бүсийн шалгаруулалтад оролцох багаар Монгол улсыг төлөөлөн GEUD Gaming баг шалгарлаа дараагийн шатны тоглолт болох Азийн шалгаруулалт дээр хожих юм бол 12-р сард Эр-Рияд хотод болох GEG тэмцээний эрхээ авах юм.